Një 13-vjeçar është lënduar nga mjetet piroteknike pasditen e së mërkurës në Ferizaj.

Zëdhënësi i Policisë për rajonin e Ferizajt, Kanun Veseli tha se i mituri është dërguar në QKUK për trajtim të mëtejmë, derisa patrulla policore ka siguruar raportin mjekësor.

“Më datë 17.12.2025, rreth orës 16:50, policia ka pranuar informacion se në Qendrën Emergjente në Ferizaj është pranuar për trajtim mjekësor një fëmijë 13-vjeçar, i cili, sipas mjekëve, kishte pësuar lëndime në duar nga mjete piroteknike. Pas trajtimit fillestar, fëmija është dërguar në QKUK – Prishtinë për trajtim të mëtejmë. Patrulla policore ka siguruar raportin mjekësor”, tha Veseli.

“Lidhur me rastin është njoftuar prokurori i shtetit dhe ka udhëzuar hapjen e një Shënimi zyrtar – Lëndim me mjete piroteknike”, shtoi ai.